حملة اكسروا سِمهم !
مش الشعب جاهل ؟
مش ما يعرفش ح يصوت على دستور إيه ؟
ح يصوت على أي دستور ؟
يعرفه منين ؟
بسيطه خالص .. خدوا شوية النصايح دي :
نصيحة لوزير الإعلام :
هو التلفزيون دا مش بتاع الشعب ؟
جميل !
قناة من قنواته تفضل تقرا الدستور ليل نهار لحد لما الأسبوع يخلص !
تتخلل هذه القراءة الإعلانات فقط ( و الله ح تيجيلكم إعلانات زي الرز !)
كل ما يخلص تعيدوه تاني ..
ممكن كمان تحطوا كل المناظرات اللي تمت على الفضائيات على المواد الخلافية .
أو كل ما أثير عليه من إشاعات و الرد عليها .
و الراديو نفس الشيء .
بالنسبة للصحف القومية يُلحق بها الدستور مجاناً يومياً .
نفس النصيحة للقنوات و الصحف الدينية .
مع فتح اتصالات 24 ساعة مع متخصصين للرد على استفسارات المتصلين .
و بث تناقضات النخبة موثقة بالفديوهات و المقالات .
نصيحة للشباب عرّف كل اللي تعرفهم و اللي عنده كمبيوتر و طابعة يطبع المواد اللي بيكذبوا عليها و يعلقها على جدران الشوارع خصوصاً حقوق العمال و الفلاحين و المرأة و الطفل و أصحاب المعاشات .
نصيحة للإخوان و الأحزاب الإسلامية : اكتفوا بحماية مقراتكم و ما تعملوش أي فاعلية خالص الأسبوع ده و اللي يكلمكم قولوا : سلاما !
نصيحة : أعلنوا إن مليونيتكم الجمعة الجاية ح تكون أمام الإتحادية من دلوقت ( حجز مكان يعني ! ) و إن المعتصمين جوّه عند القصر و إنتوا ح تكونوا بره سور الجيش يعني ما فيش مشكلة خالص .
فكروا الكل إن الضبطية القضائية في إيد الجيش يعني أي حاجة تحصل للرئيس أو المعتصمين أو المتظاهرين في وشه !
نصيحة للكل :
يا ريت حد يسمعنا قانون العقوبات في مكبرات الصوت عشان النخبة تسمعه و القضاه و الشرطه يفتكروه و البلطجيه يعرفوا إن الله حق !
مصر ح تعدي بالصلاةُ على النبي !
ليست هناك تعليقات:
إرسال تعليق