درويش !
درويش بيصلي يا عيني يا ولداه !
تايه و مْدَلَّه في ملكوت الله !
عصفور و صغنن وِش حجمه دا ؟
صوصو ما يصوصو و النسر وراه !
حبايب قلبه يستنوا ال ( آه ) !
ننتف له ريشه و نسُكّ قفاه !
و كفايه نسيبه في وصله و شداه !
و شعبه الأهبل يا خيبته يا عماه !
و دا السُّلطه في إيدنا و إن
قالوا ( لا ) !
درويش بيصلي يا عيني يا ولداه !
درويش و بيرفع إيده لله
و جلالك ربي ما طالب غير وجهك ألقاه ..
و مطالب شعبي أرضى برضاه ..
و في ليلة قدره طاقة مولاه ..
أدي نورها يملا صبحه و مِساه ..
أدي شعبه واقف جنبه و وراه
أدي شمس بلادنا تحويها يداه
و دي شمس بتحرق للشعب بلاه
و يا ( مرسي ) كبّر : الله
الله
و الكلمه تحرق شياطين و بُغاه
و ما خابت أبداً مصرنا ويّاه
سلاماً دوماً بعون الله
و دا عصفور و صغيّر لكن مولاه
رضاه الحمد و حمده نِداه
بقدرة قادر ملا أرض الله
و ما قادر أنطق غير : الله !
الله الله الـله اللـه
!
ليست هناك تعليقات:
إرسال تعليق