مين لشركات أدوية الضغط و السكر و الكبد و الكلى و السرطان بعدك يا خويا؟
مين للتُّرَبِيَّه يبعت لهم م العبارات و القطورات و نزيف الأسفلت يا خويا ؟
مين يحاصر الفلسطينيين و إسرائيل بتحرق غزّة يا خويا ؟
ياللي المصريين كان بيتلعب بيهم الكورة برّه في عهدك دلوقت يلعبوا بمين يا خويا ؟
يا مشبّع القرش في البحر و مسمِّن القطط ع البر يا خويا !
يا ملحلح البنية التحتية و مسقّع الفوقية يا خويا !
ياللي ما رضيت تمشي قبل ما تشيل المرارة زي ما شيِّلتها لنا كلنا يا خويا !
ياللي قعدت تضحك في وشنا تلاتين سنة و العالم بيضحك علينا يا خويا !
يــــــــــــــــا مــــــــــــــدخـّـــــــــل الــــــــشــــــــــــــهــــــــــدا الــــــــــــــــــــــجــــــــــــــنــــــــــــــــــــــــــــه
يــا خــــــــــــــــــــــــــــــوووووووووووووووووووووووووووووويـــــــــــــــــــــــــــــــــــــــــــــــــــــــــــــه !!!
ليست هناك تعليقات:
إرسال تعليق